حوار......مع سواق تاكسى

ذهبت الى مكتبه واشتريت بعض الاشياء كانت ثقيله فقررت ان اخذ تاكسي الى الموقف الخاص ببلدي فدار هذا الحوار بيني وبين السائق.......
انا/السلام عليكم ورحمة الله وبركاته
هو/وعليكو
انا/لا اسمعك اخفض صوت الاغاني من فضلك
هو(معبرنيش طبعا)
تحدثت مرة ثانيه قائله/هدي صوت الاغاني شويه
قفل الكاسيت وهو هيطق
انا/مين المغني دا؟
هو/في حد ميعرفش تامر حسني؟
انا/ايوه انا
هو/هههههه بركاتك ياعم الشيخ
انا/مين هو تامر حسني دا؟
هو دا مغني صوته يجنن وواد روش لامم البنات حواليه
انا/لا حول ولا قوة الا بالله ممكن اسال حضرتك سؤال؟
هو/بعد ايه الاستئذان دا؟اسالي يا ستي
انا/انت مسلم؟
هو بضحكه ساخره/طبعا
انا/تعرف ايه عن الاسلام؟
هو/سيبت اللي زيك يعرفوه
انا/بس لازم تبقى عارف اسلامك دا كويس
هو/ان شاء الله هبقى اعرفه
انا/بعد ايه؟
هو/بعد بكرا هههههههه
انا/استغفر الله العظيم.....طيب انت مؤمن بالله طبعا تعرف القضاء والقدر؟
هو/مؤمن بالله ياستي بس معرفش القضاء والقدر
(شعرت بمسئوليتي للدعوه فاخذت ارتب كلماتي حتى اخرج كلمات صحيحه مفيده)
انا/حد عزيز عليك مات؟
هو بعيون دامعه/ايوه
انا/ممكن اعرف مين؟
هو/صحبتي
انا/صحبتك؟؟؟؟؟
هو/ايوه كانت احب الناس ليا ومكنتش تعبانه ولا حاجه ماتت في حادث مؤلم
انا/البقاء لله.......دا قضاء وقدر
هو/البقاء لله بس انا مش قادر انساها
هتنساها بإذن الله بس لازم تشغل نفسك عن التفكير فيها
هو/انا ليه صحبات كتير بس هي كانت حاجه تانيه خالص
انا/مش قصدي كدا......قصدي في الحلال يعني تتزوج
هو/هه منين دا يادوب اجرة التاكسي بتكفي البنزرن بالعافيه
انا/قصدك مفيش بركه في رزقك؟
هو/جايز
انا/انت بتصلي؟
هو/ساعات.......بس الجمعه دي اكيد طبعا على طول
انا/طيب بتقرا اذكار؟
هو/اذكار؟
انا/ايوة اذكار يعني تذكر ربنا في كل وقت
هو/اجيب منين الوقت بس؟انا بشتغل لحد مااتعب بعدين اروح انام
انا/انت مشغول في ايه؟مش محتاج تفكر وانت سايق ولا حاجه اذكر وانت سايق
هو/ازاي يعني؟
انا/انت بتعرف تسمع وانت سايق ازاي؟
هو/انا اسمع اه لكن مفضلش اردد كلام وانا سايق دا حتى تبقى لبخه
انا/هو انت بتسوق وانت عندك كام سنه؟
هو/17سنه
انا/لما كان عندك 5 سنين كان ينفع تسوق؟
هو/لا
انا/ليه؟
هو/هههههه عشان مكنتش بعرف اسوق محدش علمني
انا/اتعلم تذكر الله وشويه شويه هتعرف تذكره لحد مايكون الذكر عندك عاده متقدرش تنساها
هو/ازاي يعني؟
انا/وانت سرحان لما تفوق تلاقي نفسك بتستغفر صدقني بجد
هو/طيب ولما اعمل كدا هقدر احوش قرشين كويسين واتجوز؟
انا/طبعا(ومن يتوكل على الله فهو حسبه)ومش كدا بس دا ربنا هيوفقك لزوجه كويسه جدا تعينك على ذكره وتحافظ على مالك وعيالك وهتملالك الدنيا سعاده رسولنا قال(اظفر بذات الدين) ولما تتقدملها هي هتتذكر قوله(اذا جاءكم من ترضون دينه وخلقه فزوجوه)
هو/لو كان كدا يبقى مش هبطل ذكر
انا/طيب بس لازم كمان تصلي لان الصلاه عماد الدين واول مايسأل عليه الانسان في قبره
(بكى بل اجهش في البكاء)
انا/ماذا بك؟
هو/تذكرت الموت الذي سياتيني فجاه وحالي وقت الحساب هعمل ايه في عمري اللي فات؟
انا/تذكرك الموت هو قمة رضا الله عنك ودليل انه هيقبل توبتك ان شاء الله فعجل بالتوبه واوعد نفسك امام الله انك لن تعود لاي ذنب ثانية وستذهب الان لمنزلك لتغتسل وتتوضا فيغر لك ذنوبك وصلي الصلاه المفروضه فهي نور طريقك
هو/والله هعمل كدا
انا/ان شاء الله...تذكر جيدا(ومن يتق الله يجعل له مخرجا)وتذكر ايضا(قل يا عبادي الذين اسرفوا على انفسهم لا تقنطو من رحمة الله ان الله يغفر الذنوب جميعا) حاول استبدال اخطاءك بحسنات يعني بدل الاغاني اسمع قران وانا ارشحلك صوت الشيخ سعد الغامدي ومشاري راشد ولكن هناك توجيه اخير مني ولكن لا تخاف من فعله فنتائجه رائعه
هو/تفضلي
انا/اسمع كثيرا عن يوم القيامه وعن عذاب القبر ووحشته وايضا تفسير اسماء الله الحسنى وبهذا لن ترجع عن توبتك ابدا وسيدفع الله عنك النقم بإذنه وتذكر قوله تعالى(واذا سالك عبادي عني فاني قريب)
ربنا يهدي الجميع ويقربنا منه اكتر ويجمعنا حول حوض النبي ليسقنا من يده الشريفه شربه هنيئه لا نظمأ بعدها ابدا
هو/امييييييين .........انا متشكر جدا
انا/الشكر لله .......... الدعوه الى الله فرض عين على كل مسلم ومسلمه


اخي في الله...............طبعا الحوار دا محصلش بس انا فعلا ركبت تاكسي انهارده وكان مشغل اغاني وكنت عايزة اقوله يقفلها بس مجتليش الجراه بصراحه فتخيلت الحوار دا والحمد لله شغلت نفسي عن الاغاني بيه
المهم.........ممكن كل واحد يقرا الموضوع دا يكتب تعليق ...مثلا ايه اللي استفاده او قرار اخده بينه وبين نفسه او اي خاطره......ولو فيه عبره طلع بيها من هنا يا ريت نستفيد كلنا ونفيد
اللهم اهدنا وردنا الى الاسلام ردا جميلا