كلم سوسو يا احمد

كلم سوسو يا احمد ...
واحمد مش سامع
طب ازاى يكلم سوسو
وهو لسه متوضى ورايح على الجامع...
اصل احمد ده طاهر ونضيف
ووطنى جدا واستشهد قبل كده 3 مرات
من اجل الرغيف
غير انه دايما بيرفض قرارات الخونه
اصله بجد انسان شريف
احمد دهكان هيحرر القدس قبل كده
بس اترجوه يستنى شوية
لحد ما يجهزوا الاغانى الوطنية
وهو طبعا بيسمع الكلام
فقال اهو اتابعنهائى الكاس
واشوف اجدد الافلام
ولما تجهزواقوليلىبس ياريت بسرعه قبل ما انام
لانى حابب احرر القدس بدرى بدرى
يعنى اول ما اناممع بداية الحلم على طول
……………….
احمد ده فى الاصل فدائى
واوقات بيكون اديب وبيقلب على روائى
واوقات تانية بيغنى
واوقات بيكون اشهر لاعب كرة قدم على مر التاريخ والبطيخ
وخلوا بالكم احمد لسه مستنى
ولسه سوسو بتنادى عليه وبتغنى
ماتكلم سوسو يا احمد
برضه احمد مش راضى
اصل احمد من يومه انسان محترم وهادى
لا عصبى ولا طباعه مهببه
وحياته ماشية بانتظام وعمرها ماكانت متقلبه
بس عنده عيب واحد
انه مش بتليق عليه التى شيرتات
لاكنه برضه ملتزم جدا بقوانين المرور وبالاشارات
احمر يعنى ايه يا اولاد
واخضر يعنى ايه يا اولاد
وفحلقى يعنى ايه يا اولاد
وكده يعنى
واكيد فى عيب تانى بس ماعرفوش
وياريت اللى يعرفه يقول
.....................
احمد ده راجل بجد
وعمره كمان مازعل حد
بيحب كل الناس وعايش لكل الناس
وقبل كده كان هيفجر نفسه فى وسط اسرائيل
بس خاف يوسخ هدومه وهو ماكانش معاه مناديل
فرجع تانى هنا واجل مشروع التفجير
لحين اختراع مناديل نوويه
تتكون من 3 حبات فول مع خليط من عجين الطعميه
ومازال المشروع تحت التنفيذ لاختراع المناديل النووية
ومازالت سوسو بتنادى على احمد زى ماهى
ماتكلم سوسو يا احمد
ياترى عندنا كام احمد
وياترى عارفين ( مين سوسو)
سامح طاحون
3/6/2010

المصدر مدونة سامح طاحون

مشكورررررررررررة

» الاهلى يرحب برغبة احمد عيد عبد الملك في الانتقال لصفوفه