جرح منك و اترد ليكى

كنت بقول مش هعيش غير ليكِي

خليتك لقلبى وحبى شريكِي
وبخاف عليكى من النسمة اداريكِي
بدعى ربنا ليا يخليكِي



كان كل همى ان انا ارضيكِي
قلبى بحب دايما يناديكِي
وما كان فى الدنيا شئ يساويكِي
لكن بعد ما بان غدرك فى عينيكِي



هدوس على قلبى لو فكر فيكِي
وافتكرك ليه ما انا هونت عليكِي
بكرة تقابلى اللى يخون فيكِي
هتحسى ساعتها بعذابى بعديكِي



ترجعى ندمانة ليا برجليكِي
مكسورة عينيكى مكسورة خطاويكِي
وبجرح كبير واجعك يبكيكِي
ولا دمع الكون كله هيكفيكِي



تفتكرى اللى عملتيه فى ماضيكِي
واهو جرح منك واترد إليكِي
تتمنى ان انا اخد بايديكِي
ولجرحك همك انا اداويكِي



بعتينى خونتينى وازاى اشتريكِي
هتهونى عليا زى ما هونت عليكِي